Sabide ai 29 di Mai dal 2021, aes 20.00, li dal Teatri Gnûf “Giovanni da Udine” e va in sene la prime assolude di “La cjase. Lagrimis di aiar e soreli”.
Si trate de gnove produzion teatrâl dal Teatri Stabil Furlan, un adatament in lenghe furlane – che al à gjoldût de consulence linguistiche de ARLeF, Agjenzie Regjonâl pe Lenghe Furlane – dal drame “La casa” dal poete e dramaturc cjargnel Siro Angeli, prime opare de sô “Trilogia carnica”.
La lenghe furlane e va duncje in sene cuntun progjet che al à une vision gnove, intune prospetive lontane di stereotips e che e cjale lontan.
La prime produzion dal Teatri Stabil Furlan e je pe regjie di Carlotta Del Bianco e la direzion artistiche di Paolo Patui.
La riduzion e la traduzion par furlan dal test origjinâl a son par cure di Carlotta Del Bianco, Paolo Patui e Paolo Sartori.
Il cast al à atôrs professioniscj zovins tant che Caterina Bernardi, Manuel Buttus, Caterina Comingio, Alessandro Maione, Paolo Mutti, cu la presince de compositore e cjantante Elsa Martin, e la partecipazion in video dal atôr sloven Vladimir Jurc.
I biliets nominâi, par assisti in sigurece a cheste prime assolude speciâl, tal rispiet des normis anti Covid-19, a son disponibii li de bilietarie dal Teatri Gnûf “Giovanni da Udine” (dal martars ae sabide, des 16 aes 19) o pûr on line sui sîts teatroudine.it o teatristabilfurlan.it
Par plui informazions: info@teatristabilfurlan.it
