fbpx

Rapuart di Minorance. Lis lenghis dal Friûl – Vignesie Julie

L’audiodocumentari realizât in colaborazion cun ARLeF e SSO pai 20 agns de leç 482/99, cumò si pues discjamâ e scoltâ sul nestri sît.

Ai 25 di Novembar dal 1999, cu la aprovazion de leç n. 482 (Normis in materie di tutele des minorancis linguistichis storichis), la Republiche taliane e ricognòs dodis minorancis linguistichis storichis che a fevelin idiomis diviers dal talian, che al reste la lenghe uficiâl dal stât. Di chescj dodis grups linguistics ben trê a son presints intal teritori dal Friûl – Vignesie Julie: chel furlan, chel sloven e chel gjermanic.

In ocasion dai 20 agns de Leç, la trasmission “Tre Soldi”spazi de emitente radiofoniche statâl Rai 3 là che si conte la realtât cul lengaç de testemoneance direte – e a dedicât un cicli di aprofondiment aes lenghis di minorance dal Friûl – Vignesie Julie. Curâts di Renato Rinaldi e realizâts in colaborazion cun ARLeF – Agjenzie Regjonâl pe Lenghe Furlane e SSO Svet Slovenskih Organizacij – Confederazion des Organizazions Slovenis, i cinc apontaments radiofonics a àn contât, midiant di tantis testemoneancis diretis, une regjon che e costituìs un spazi linguistic culturâl unic, là che a convivin talian, furlan, sloven e todesc che a fasin dal nestri teritori un grant esempli di plurilinguisim e un vêr laboratori par osservâ i rapuarts tra lis variis minorancis linguistichis, lis disposizions identitariis e il sintiment dai locutôrs.

Lis pontadis dal audiodocumentari a son cumò disponibilis, di discjamâ e di scoltâ, te sezion Audio dal nestri sît.

  • Pontade 1 – Sot tutele
    Cuntun ritart di 51 agns, ai 25 di Novembar dal 1999 e ven aprovade la Leç 482/99, che e da atuazion al articul 6 de Costituzion, che al dîs: “La Republiche e tutele cun normis specifichis lis minorancis linguistichis”.
  • Pontade 2 – Minorance e apartignince
    Fevelâ une lenghe al vûl dî apartignî a une comunitât: ce che al sucêt cuant che la tô comunitât e ven definide une minorance.
  • Pontade 3 – Al dipent di te
    Par rinfuarcî une lenghe, une leç no je avonde: la lenghe si à di fevelâle, scrivile, liberâle dal ghet dal passatisim e de estemporaneitât.
  • Pontade 4 – Cressi cun plui lenghis
    Bilinguisim e plurilinguisim inte scuele.

Cu lis testemoneancis diretis di:
Walter Bandelj, Antonella Bukovaz, Bojan Brezigar, Paolo Cantarutti, Dora Ciccone, William Cisilino, Davide Clodig, Andrea Collavino, Priscilla De Agostini, DJ Tubet, Elena D’Orlando, Bruna Dorbolò, Franco Fabbro, Roberto Fabrizio, Angelo Floramo, Igor Giacomini, Ezio Gosgnach, Stefano Moratto, Patrizia Pavatti, Carli Pup, Beatrice Rinaldi, Valter Rinaldi, Marina Rosso, Elena Rucli, Vida Rucli, Silvana Schiavi Facchin, Aida Talliente, Leonardo Zannier, Carlo Zoratto.

Date de Iniziative: Zenâr 2020

Consulte i materiâi

Ogjet Cjale
Rapuart di minorance_report

Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304