Ancje pal an scolastic 2025/2026, la ARLeF e presente il so Premi Speciâl pai elaborâts in lenghe furlane tal Concors pes scuelis “Città Fiera premia la tua classe”.
La iniziative e je indreçade a dutis lis classis de Scuelis de infanzie e des Scuelis Primariis dal territori furlanofon e si divît in dôs categoriis:
- Dissen (Scuele de Infanzie e classis I e II de Scuele Primarie) sul teme “Une orchestre stravagante e je rivade di lontan!”
Si domande di doprâ la lenghe furlane daûr de grafie uficiâl e di doprâ materiâi e tecnichis diferentis.
A tacâ di cheste edizion, te categorie Dissen a vignaran premiâts doi vincidôrs diferents, sedi une Scuele de infanzie che une Scuele Primarie.
- Teme (classis III, IV e V de Scuele Primarie), daûr dal titul “Se o rivàs a cjacarâ cu lis besteutis…”.
La composizion e varà di jessi di almancul mieç sfuei protocol (dôs façadis), e al sarà pussibil presentâle in forme individuâl o coletive.
Par dutis dôs lis categoriis, la jurie e tignarà cont de creativitât, de inventive e dal aspiet linguistic dai elaborâts.
Ducj i elaborâts a varan di rivâ ae Segretarie Organizative dal Città Fiera dentri dai 27 di Fevrâr dal 2026.
La ARLeF e premiarà la miôr produzion di ogni categorie cuntun bon di € 250,00 par comprâ materiâi e imprescj utii ae didatiche.
La Agjenzie e darà fûr un omaç a dutis lis classis che a consegnaran i lôr lavôrs.
Consulte i materiâi
| Ogjet | Cjale |
| Regolament dal Concors |
|
