In Setembar e in Otubar dal 2021, il festival culturâl itinerant dal Friûl orientâl
Ikarus – Green Belt Festival, al è il progjet che, in Setembar e in Otubar dal 2021, al puartarà events culturâi, teatri di strade, concierts, escursions e ativitâts formativis intune vore di comuns de fasse orientâl de regjon Friûl-Vignesie Julie, dilunc dal confin cu la Slovenie, intal teritori de Green Belt.
Il fîl condutôr di IKARUS al è propit la European Green Belt (cinture verde europeane), il non dât aes ex zonis di confin segnadis de Coltrine di fier che, di Nord a Sud, e divideve la Europe in doi blocs: abandonadis dopo l’ûs militâr, vuê chestis areis a rapresentin un unicum a nivel gjeografic, storic e naturalistic. In Friûl-Vignesie Julie, la Green Belt e cor dilunc dal confin cu la Slovenie e e à savût mantignî e preservâ nicjis impuartantis di biodiversitât. Il progjet al è vincidôr dal avîs public “Borcs in Festival”, promovût de Direzion Gjenerâl Creativitât Contemporanie dal Ministeri de Culture.
Il festival culturâl al è patrocinât di ARLeF, Regjon Autonome Friûl-Vignesie Julie, Provincie Autonome di Trent, Istitût pe culture slovene, insiemi a altris 50 compagnis e patrocinis tra Comuns, organizazions no profit, aziendis e associazions cul obietîf di valorizâ lis specificitâts dal teritori, lis tradizions, lis ativitâts produtivis di là des bielecis naturâls bande un disvilup sostignibil.
Achì sot, si pues consultâ il calendari ch’al è plen di events.
La partecipazion ai events e je gratuite e a numar sierât. E je conseade la prenotazion.
Par plui informazions, consultâ il sît ikarusfest.eu
Consulte i materiâi
| Ogjet | Cjale |
| Ikarus_program complet |
|
