Si inviin lis ativitâts pe edizion numar 49 de Fieste de Patrie dal Friûl: la ARLeF e à publicât il bant indreçât ai Ents locâi par sostignî lis manifestazions culturâls che a celebrin i valôrs de Fieste.
Lis risorsis metudis a disposizion a son di 67.500,00 euros.
A puedin acedi ai finanziaments i Comuns che a àn la lôr sede legâl in Friûl, o ben tai teritoris des ex provinciis di Gurize, Pordenon, Udin e siet Comuns de Regjon Venit: Cint, Concuardie, Fossalte, Gruâr, Puart, San Michêl dal Tiliment, Tei.
Il bant al sostignarà chestis ativitâts:
a. Events di cualitât par fâ cognossi e/o aprofondî lis lenghis, la storie e la culture dal Friûl
b. Realizazion di libris, publicazions, prodots audiovisîfs e musicâi par fâ cognossi e/o aprofondî lis lenghis, la storie e la culture dal Friûl
c. Organizazion di spetacui teatrâi in lenghe furlane
d. Organizazion di spetacui musicâi in lenghe furlane.
📅Lis ativitâts culturâls a puedin inmaneâlis sedi un ent locâl ugnul che ents agregâts, dentri di chescj timps:
– lis ativitât a) c) e d) si varà di fâlis tra i 28 di Març e i 31 di Mai dal 2026
– invezit chês de letare b) dentri dai 30 di Setembar dal 2026.
📧Lis domandis a varan di rivâ dentri dai 24 di Fevrâr dal 2026, dome midiant PEC ae direzion: arlef@certgov.fvg.it
A saran esclududis lis domandis là che il finanziament domandât al è plui bas di 500,00 euros, e chês là che la spese calcolade amissibil e sedi mancul di 555,56 euros.
Par informazions, contatâ chescj riferiments: 0432 555812, arlef@regione.fvg.it
Chi sot e je dute la documentazion dal bant, publicade ancje te sezion Publicitât legâl di chest sît.
Consulte i materiâi
| Ogjet | Cjale |
| Bant Fieste de Patrie dal Friûl 2026 |
|
| Domande di contribût 2026 (in Word) |
|
| Regolament Fieste de Patrie dal Friûl |
|
| Va te sezion "Publicitât legâl" |
|
