Tal 2026 a colin i trente agns de Leç regjonâl 15/1996. La prime a ricognossi il furlan tant che “lenghe”. La sô aprovazion e à permetût di inviâ il percors che al à favorît la presince ative dal furlan tes istituzions, te vite publiche, te scuele, te culture, tai mieçs di comunicazion.
Di trente agns te stesse direzion: dâ un avignî ae lenghe furlane al è il progjet di comunicazion realizât de ARLeF par celebrâ la prime leç che e à tutelât e promovût in maniere organiche la lenghe furlane.
La campagne e fâs sôs lis peraulis che il prof. Carles Duarte i Montserrat, linguist e inteletuâl catalan, al à dit tal so intervent li dal Consei regjonâl dal F-VJ tes celebrazions dal trentenâl: promovi la cognossince e l’ûs dal furlan e je une responsabilitât che no si à di delegâ a di chei altris. Un messaç che al riclame il rûl atîf di ognidun di nô tal garantî un avignî ae lenghe. La sô tutele, di fat, no finìs cul ricognossiment legjislatîf, ma e à di concretizâsi tes sieltis di ogni dì, te trasmission intergjenerazionâl, tal mantignîle vive in ducj i contescj educatîfs, culturâi e sociâi.
LA CAMPAGNE STAMPE
La campagne stampe si articule cun inserzions a plene pagjine tai principâi cuotidians, setemanâls e mensii su cjarte dal teritori furlanofon.
Il visual al rapresente une famee in biciclete che e va indenant serene viers l’avignî. La imagjin e riclame la impuartance de famee e de comunitât tal trasmeti il furlan aes gnovis gjenerazions e il pedalâ adun, te stesse direzion, al devente metafore di une partecipazion ative e condividude.
LA CAMPAGNE RADIOFONICHE
La campagne e cjape dentri lis principâls emitentis radiofonichis e e conte il percors de L.r. 15/96 midiant de vôs dai siei protagoniscj.
Eros Cisilino e William Cisilino, president e diretôr de ARLeF, Franco Finco, linguist di lenghis romanzis, Lorenzo Zanon, president dal Teatri Stabil Furlan, Patrizia Pavatti, diretore gjenerâl dal Ufici scolastic regjonâl dal FVJ, Flavio Santi, scritôr a tornin a percori lis tapis fondamentâls e lis prospetivis futuris: de scuele, al teatri, ae leterature, de ativitât in cjâf ae ARLeF – organisim che dal 2005 la Regjon i à afidât la atuazion e il disvilup de politiche linguistiche pal furlan – aes sfidis che la lenghe e à di frontâ par restâ vitâl.
Lis intervistis a son a disposizion te sezion Consulte i materiâi.
SOCIAL MEDIA
La strategjie di social media marketing e previôt di veicolâ a larc il messaç midiant dai canâi de ARLeF, sedi in modalitât organiche, che cun campagnis sponsorizadis, cul obietîf di rivâ al public furlanofon tes diferentis fassis di etât e garantî la massime visibilitât. I contignûts a son declinâts in formâts diferents – post statics, carosei e reels su lis plateformis Meta, TikTok e YouTube.
Il messaç al ven veicolât ancje su WhatsApp.
CREDITS
-
Scuvierç di plui
Coordenament gjenerâl
William Cisilino (ARLeF)
Adriana Cruciatti (CALT)
Elena Iuri (CITY ADV)Campagne grafiche
Mauro Ciani (Anthes)
Virginia Ruano (Anthes)Intervistis Radiofonichis
Produzion: Radio Spazio 103Consulence linguistiche
Sportel regjonâl pe lenghe furlane
Veronica De Giorgio (CALT)Aministrazion
Federica Del Pino (ARLeF)Graciis a
Valentina Pagani (Radio Spazio 103)
Marta Rizzi (Radio Spazio 103)
Valentina Cornacchini (ARLeF)
Sabina Pituello (CALT)
Consulte i materiâi
| Ogjet | Cjale |
| Prof. Carles Duarte i Montserrat. Intervent li dal Consei regjonâl dal Friûl-VJ pe Celebrazion dai 30 agns de L.r. 15/96 |
|
| Interviste al president de ARLeF, Eros Cisilino |
|
| Interviste al diretôr de ARLeF, William Cisilino |
|
| Interviste al linguist di lenghis romanzis, Franco Finco |
|
| Interviste al president dal Teatri Stabil Furlan, Lorenzo Zanon |
|
| Interviste ae diretore gjenerâl dal Ufici scolastic regjonâl dal FVJ, Patrizia Pavatti |
|
| Interviste al scritôr Flavio Santi |
|
