Il Comun di Spilimberc, in colaborazion cu la ARLeF, la Societât Filologjiche Furlane, l’Istitût Ladin Furlan “Pre Checo Placerean” e la Union dai Scritôrs Furlans al promôf la otave edizion dal concors leterari “Zâl par furlan”.
Il concors al previôt trê sezions: la sezion contis, la sezion video e une sezion speciâl dedicade aes scuelis. Ogni autôr al podarà partecipâ dome a une des sezions dal bant e dome cuntun elaborât, di presentâ dentri dai 10 di Fevrâr dal 2020 al Comun di Spilimberc.
Il tiermin “zâl” al cjape dentri ancje formis similârs tant che il “noir” e il “thriller”. Lis oparis a àn di jessi dutis – o pe plui part – in lenghe furlane o intes sôs variantis e pe forme scrite si varà di doprâ la grafie uficiâl.
Par dutis lis modalitâts di partecipazion al concors e di presentazion des oparis, si pues discjamâ il regolament complet chi sot o lâ sul sît www.comune.spilimbergo.pn.it
Consulte i materiâi
| Ogjet | Cjale |
| Bant di concors Zâl par furlan |
|
