Joibe ai 23 di Mai, a son stadis fatis lis premiazions dal concors “Città Fiera premia la tua classe“.
Ancje par cheste X edizion, il concors al previodeve un Premi speciâl ARLeF pes oparis in lenghe furlane. La sezion dal concors e à l’obietîf di valorizâ la didatiche plurilengâl che e invide i arlêfs a esplorâ il mont midiant de lenghe e de culture dal teritori.
Ancje chest an e je stade une grande adesion, cun plui di 100 elaborâts tes dôs categoriis dal premi:
Dissen: Il mont des aganis e dai sbilfs, pai fruts de scuele de Infanzie e des classis I e II de scuele Primarie.
Teme: Cul tapêt magjic o pues visitâ… pai arlêfs des classis III, IV e V de scuele Primarie.
A son risultâts vincidôrs:
MIÔR DISSEN:
Cl. 2e A + B Scuele Primarie “A. Negri” di Udin
MENZON SPECIÂL:
Sez. B Scuele de Infanzie “A. Gabelli” di Beivars
MIÔR TEME:
Cl. 4e Scuele Primarie “C. Fenzi” di Dolegnan
