RADIO FRUTE: une trasmission istituzionâl par dutis lis frutis, i fruts e i gjenitôrs dal FVG sostignude e promovude de Agjenzie Regjonâl pe Lenghe Furlane.
Radiofrute e je une trasmission radiofoniche pai fruts e i lôr gjenitôrs, un spazi di storiis pai fruts in lenghe furlane, storiis che si cjatin tai libris disponibii a vuê sul marcjât editoriâl e tes bibliotechis dal Friûl.
La trasmission si svilupe in trê parts principâls leadis une a chê altre e compagnadis des vôs dai fruts bi e plurilengâi e dal condutôr Michele Polo.
Te prime part de trasmission a saran presentadis e letis lis flabis par favorî la dimension sonore de lenghe e dal mieç radiofonic.
Te seconde part al sarà spazi pes intervistis e lis testemoneancis dai gjenitôrs che a àn fat une sielte di bi o plurilinguisim o che a àn rifletût e si son confrontâts su lis implicazions educativis di cheste sielte intun teritori plurilengâl come chel dal FVJ.
Te tierce part la peraule e passe ai esperts. Partint dal progjet promovût de ARLeF a sostegn dal plurilinguisim precoç: “Crescere con più lingue/Cressi cun plui lenghis”, si cognossaran miôr i diviers argoments par mieç dai contribûts di Alessandra Burelli, Susanna Pertot, Patrizia Pavatti, Franco Fabbro, Silvana Schiavi Fachin, dai intervents e dai materiâi di esperts internazionâi, tant che Piero Angela o Antonella Sorace de Universitât di Edimburc (UK).
