Agjenzie
La ARLeF – Agjenzie Regjonâl pe lenghe furlane, e je l’organisim cun personalitât juridiche publiche e autonomie aministrative e finanziarie che al definìs lis azions di politiche linguistiche pe lenghe furlane e al coordene e al verifiche la metude in vore dai intervents previodûts de leç regjonâl dai 18 di Dicembar dal 2007, n. 29 (Normis pe tutele, valorizazion e promozion de lenghe furlane) e di chês altris normis regjonâls e statâls su la lenghe e la culture furlanis (a chest proposit si segnale il link pai ats relatîfs ae delimitazion teritoriâl pe aplicazion de L.482/99).
La Agjenzie e promôf e e sosten il davuelziment coordenât e unitari dai programs di iniziative realizâts de Regjon e di chês altris Aministrazions publichis dal Friûl – Vignesie Julie in materie di tutele de lenghe furlane e di promozion dal so ûs in ducj i ambits de comunicazion e de vite moderne.
Sede legâl
Udin, vie della Prefettura, 13
Codiç Fiscâl
94094780304