Struments
Coretôr Ortografic Furlan
Il Coretôr Ortografic Furlan al analize il test, al segnale i erôrs di ortografie mantignint lis formis esatis e al sugjerìs lis corezions pussibilis.
Il COF al ricognòs plui di 3.000.000 di peraulis furlanis e, fra chestis, lis variantis principâls e chês ecuivalentis, daûr des regulis de grafie uficiâl.
In plui dai lemis, al ricognòs dutis lis peraulis che a derivin des flessions des stessis.
Il Coretôr al è une vore util par risolvi i problemis di grafie ma al domande un buine cognossince dal lessic e de sintassi. Tant che la plui part dai coretôrs, il COF al funzione ben dome a nivel ortografic, duncje nol è in stât di capî se la peraule e je scrite juste ma si cjate intune posizion falade o se la peraule che si vûl doprâ, e che e cambie di significât su la base dal acent, e je corete o no.
Discjame il file e dopre il COF sul to computer.
Se tu preferissis no discjamâ il file, tu puedis doprâ il Coretôr in linie, clicant su chest link.
Cjale il videotutorial
In chest tutorial al è pussibil imparâ in maniere semplice e svelte, pas par pas, ducj i ûs e lis potenzialitâts dal Coretôr Ortografic Furlan.
Realizazion e produzion Videotutorial: ARLeF – Agjenzie Regjonâl pe Lenghe Furlane
Supuart organizatîf: CALT
Consulence: CLAAP Centri di Linguistiche Aplicade
Ripresis, editing video, post produzion: Intech srl
Vôs e presentazion: Veronica De Giorgio, Calt
Distribuzion: © ARLeF – Agjenzie Regjonâl pe Lenghe Furlane
Durade dal video: 6.28 min.
Lenghe: furlan (cun sottitui par talian)
An di realizazion: 2017
Consulte i materiâi
| Ogjet | Cjale |
| Video infografiche "I struments informatics par scrivi la lenghe furlane" |
|
| Motion graphic "I struments informatics de lenghe furlane" |
|
