Informative daûr dal art. 13 dal Regolament European sul tratament dai dâts personâi
Daûr dal art. 13 dal Regolament UE 2016/679 (plui indenant definît “GDPR”) si furnissin al interessât chestis informazions sul tratament che al podarà jessi fat dopo vê compilât il modul e inviâts i dâts personâi domandâts.
Il titulâr dal tratament dai dâts personâi al è la ARLeF – Agjenzie Regjonâl pe Lenghe Furlane (plui indenant definide ancje “ARLeF” o “Agjenzie”), cun sede in vie della Prefettura n. 13, Udin (UD).
Pal esercizi dai dirits ricognossûts dal REGOLAMENT (UE) 2016/679 (plui indenant “GDPR” o “Regolament”) o par domandâ cualsisei sclariment sul tratament dai dâts personâi, si pues contatâ il Titulâr a chescj recapits: telefon 0432 555812, e-mail arlef@regione.fvg.it.
Il Titulâr al à proviodût a nomenâ un Responsabil de Protezion dai Dâts, che al rispuint a chest recapit: dpo.arlef@regione.fvg.it.
I dâts personâi furnîts a saran doprâts pe iscrizion ae nestre newsletter; cheste finalitât e sarà otignude dopo de comunicazion facoltative dal consens dal interessât cu lis modalitâts indicadis te pagjine di racuelte dai dâts.
Se no vegnin furnîts i dâts domandâts, nol sarà pussibil ricevi la nestre newsletter.
A podaran acedi ai dâts personâi dome personis autorizadis al tratament e sogjets che, tratant dâts par cont dal Titulâr, a sedin stâts identificâts tant che Responsabii (par esempli: furnidôrs di servizis informatics, telematics e tecnologjics). Chescj sogjets a son tignûts al segret e ae riservatece, ancje su la fonde dal regolament interni di pueste.
ARLeF e gjestìs il servizi di newsletter midiant de plateforme MailChimp, che la sô informative sul tratament dai dâts personâi e je publicade in cheste pagjine: https://mailchimp.com/legal/privacy/
Stant che MailChimp e je gjestide de societât statunitense denominade The Rocket Science Group LLC, la iscrizion ae newsletter e compuarte che i dâts personâi dal interessât a vegnin tratâts di chest sogjet (in cualitât di “Responsabil dal tratament”) e e pues implicâ il trasferiment di chescj viers di un Paîs tierç.
Chest trasferiment al ven fat cul consens esplicit dal interessât, dopo che al è stât informât dai pericui pussibii causâts de mancjance di une decision di oportunitât e di garanziis justis, stant che su la fonde de normative statunitense, The Rocket Science Group LLC al podarès jessi tignût a rivelâ i dâts personâi tratâts in câs di domandis presentadis in maniere legjitime di bande di Autoritâts Publichis (par esempli, se e je la necessitât di garantî la sigurece nazionâl).
Il Responsabil dal tratament al declare di adotâ misuris di sigurece justis e adatis, sedi tecnichis che organizativis, par protezi i dâts personâi de pierdite, dal abûs, dal acès no autorizât, de difusion ilecite, de alterazion e distruzion, vint valutât i pericui relatîfs aes ativitâts di tratament e ae nature dai dâts personâi gjestîts.
Altris informazions su la sigurece si puedin cjatâ achì: https://mailchimp.com/about/security/
In plui di chest, i dâts conferîts par mieç de iscrizion ae newsletter no saran comunicâts a tiercis personis.
I dâts a saran conservâts fin ae cessazion dal servizi di newsletter o ae sô domande di cancelazion, e, in câs di necessitâts organizativis o di oblics normatîfs, a podaran jessi conservâts in archivis specifics pal timp necessari dome par chestis finalitâts.
Intai câs previodûts, l’interessât al à il dirit di domandâ ae ARLeF l’acès ai dâts personâi, la retifiche o la cancelazion di chescj, o la limitazion dal tratament che lu rivuarde e di oponisi a chest tratament, in plui dal dirit ae puartabilitât dai dâts (articui 15 e seguitîfs dal GDPR).
Stant che il tratament al è fondât sul consens dal interessât, chest al à il dirit di revocâlu in cualsisei moment gjavantsi de mailing list midiant dal colegament presint da pît de pagjine in dutis lis newsletter de ARLeF.
L’interessât che al riten che il tratament dai siei dâts personâi al sedi fat in violazion di ce che al è previodût dal GDPR, al à il dirit di proponi un reclam ae autoritât di control competente, costituide in Italie dal Garant pe protezion dai dâts personâi (www.garanteprivacy.it).
