Aministrazion Trasparente

Il Decret Legjislatîf dai 10 di Març dal 2023, n. 24, clamât “Decret Whistleblowing”, in atuazion de
diretive UE 2019/1937, al dissipline la protezion des personis che a segnalin violazions di
disposizions normativis nazionâls o europeanis e al promôf la adozion di un sisteme adat di
gjestion des segnalazions di compuartaments ilecits.

La ARLeF, par gjestî lis segnalazions internis scritis, e à aderît al progjet
di WhistleblowingPA, promovût di Transparency International Italia e de Imprese Sociâl
Whistleblowing Solutions, adotant la relative plateforme informatiche che e permet di inviâ
segnalazions dai ilecits che si è vignûts a cognossince in maniere sigure.
Lis carateristichis principâls di cheste modalitât di segnalazion a son:

• la segnalazion e pues jessi mandade ancje in forme anonime (in chest câs, e sarà cjapade
  in carghe dome se circostanziade te maniere juste);
• la segnalazion e ven cjapade sù dal Responsabil pe Prevenzion de Coruzion e de
  Trasparence (RPCT) e gjestide mantignint il dovê di confidenzialitât bande cui che al
  segnale;
• il RPCT al à di dâi a cui che al segnale un avîs di riceviment de segnalazion dentri di 7 dîs
  de date di ricezion. Cun di plui, al à di rispuindi ae segnalazion dentri di 3 mês de date dal
  avîs di riceviment o, se al mancje chest avîs, dentri di 3 mês de scjadince dal tiermin di 7
  dîs de presentazion de segnalazion.

Par mandâ une segnalazion scrite interne, cliche culì https://arlef.whistleblowing.it/.

Par fâ une segnalazion interne orâl, si pues clamâ il numar de ARLeF 0432 555812, domandant
la disponibilitât par un colocui telefonic o par un incuintri personâl. Lis segnalazions in forme orâl a
vegnin verbalizadis e il verbâl, par che al sedi processât, al varà di jessi firmât di cui che al à fate la
segnalazion.

Par altris informazions sui riferiments normatîfs e par fâ une segnalazion esterne midiant de
Autoritât Nazionâl Anticoruzion, cliche culì https://www.anticorruzione.it/-/whistleblowing

Par altris informazions sul progjet WhistleblowingPA, cliche culì https://www.whistleblowing.it/

La informative Privacy e je disponibile clicant CULÌ
La procedure pe gjestion des segnalazions (che si le cjate inte sezion 2.3 “Pericui di coruzion e
trasparence” dal PIAO 2024-2026, aprovât cun deliberazion dal Consei di
Aministrazion ARLeF n. 3 dai 31/01/2024) e je disponibile culì: https://arlef.it/categoria_amministrazione/piao-2/