Grant Dizionari Bilengâl talian-furlan

Benvignûts tal Grant Dizionari Bilengâl talian-furlan

Il GDBtf al è il dizionari plui complet par lemis e par profonditât descritive che vuê al è a disposizion. Al conten plui di 70.000 lemis de bande dal talian (monorematics e polirematics) riferîts a 68.000 lemis furlans.

Il Grant Dizionari Bilengâl al vûl jessi un imprest a servizi dal furlan par ducj chei che a àn voie di leilu e scrivilu in maniere corete daûr des regulis de grafie uficiâl de lenghe furlane.

Pal talian, il GDBtf al fâs riferiment al Grande Dizionario dell’Uso della Lingua Italiana di Tulio De Mauro. Pal furlan al ten cont di dutis lis oparis lessicografichis furlanis publicadis e dai criteris di insiorament dal lessic e di formazion dai neologjisims fats bogns dal OLF (Osservatori regjonâl de Lenghe e culture Furlanis).
Il Grant Dizionari Bilengâl al conten definizions, esemplis e fraseologjie.
Al pues jessi doprât cu la funzion di ricercje semplice o par fâ ricercjis plui avanzadis, ma ancje par consultâ il cuadri flessionâl dai verps o dai sostantîfs.

Il GDBtf in plui che in linie sul sît de ARLeF, si cjate ancje su CD-ROM – in distribuzion gratuite li de ARLeF – di instalâ sul computer: il program al à licence open source e al è disponibil par Linux, Macintosh e Windows.
Cun di plui, in graciis di une App, ducj i contignûts dal GDBtf si puedin consultâ in timp reâl ancje di smartphone e tablet. La App e je disponibile sedi par IoS che par Android.

Fracant sul boton “JENTRE tal Grant Dizionari Bilengâl talian furlan”
si jentre te version furlane dal sît.

JENTRE tal Grant Dizionari GDBtf

---

Cjale il videotutorial

In chest tutorial al è pussibil imparâ in maniere semplice e svelte, pas par pas, ducj i ûs e lis potenzialitâts dal Grant Dizionari Bilengâl talian furlan su web, cd-rom e App.

Realizazion e produzion Videotutorial: ARLeF – Agjenzie Regjonâl pe Lenghe Furlane
Supuart organizatîf: CALT
Consulence: CLAAP Centri di Linguistiche Aplicade
Ripresis, editing video e post produzion: Intech srl
Vôs e presentazion: Veronica De Giorgio, Calt
Distribuzion: © ARLeF – Agjenzie Regjonâl pe Lenghe Furlane

Durade dal video: 8.53 min
Lenghe: furlan (cun sottitui par talian)
An di realizazion: 2017

---