Tal moment de iscrizion ae scuele de infanzie,
de primarie e de secondarie di prin grât
lis fameis a son clamadis a dâ
la lôr adesion al insegnament de lenghe furlane.

L’insegnament dal furlan a scuele
al è une grande oportunitât pai nestris fîs!
Fâ cressi i fruts plurilengâi, di fat, ur da cetancj vantaçs
che a condizionin in maniere positive
il lôr percors di cressite.

Cun di plui, di chest an, i arlêfs che a fasin furlan
a varan a disposizion il gnûf manuâl "Anìn!":
un imprest impuartant, util e cetant biel
par imparâ la lenghe e la culture furlane.

L'80% des fameis furlanis al à za fate cheste sielte.
Tu puedis fâle ancje tu par to fi, sul sît dal MIUR
o domandant informazions li de segretarie de scuele
dentri dai 30 di Zenâr dal 2023.


Par savênt di plui

Il protagonist dal carton animât par furlan de RAI FVJ,
Tip il Surisin, al è rivât su RAI Play.

Tu puedis cjalâ e tornâ a cjalâ dutis lis pontadis
ladis in onde fin cumò, in cualsisei moment e di dulà che tu vuelis:
ti baste un clic par gjolditi dutis lis aventuris
di chest surisin cetant simpatic.

Cun di plui, sul canâl 810 di Rai 3 Bis
e va indenant la programazion in lenghe furlane,
cun programs par grancj e par piçui: sul nestri sît
tu cjatis dut il palinsest inzornât.


Par jentrâ tal pradessut
di Tip il Surisin