|
PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
A FRIULI DOC 2023, IL FURLAN
AL È LA LENGHE DAI ZOVINS
I apontaments de ARLeF par domenie ai 10 di Setembar
|
|
"CE SNAIT CUN MAMAN!"
Laboratori par fruts cun Daria Miani
|
|
Lis iniziativis proponudis de ARLeF par Friuli Doc 2023
a pontin sul avignî de lenghe furlane cun progjets
indreçâts ai fruts e ai zovins.
Il prin apontament di domenie ai 10 di Setembar al è pes 14.30
in Zardin Grant, tal spazi di PromoTurismo FVG,
cul laboratori di Maman! pai plui piçui.
Tal event “Ce snait cun Maman!”, Daria Miani,
condutore de innomenade trasmission televisive par furlan pai fruts,
e animarà il laboratori ludic didatic cuntun zûc speciâl
dedicât al mangjâ e il divertiment al è sigurât.
A ducj i partecipants
ur vignarà dât un regâl simpatic.
Si consee di notâsi scrivint a info@sportelfurlan.eu
Par savênt di plui
|
|
"YOUPALTUBO E TIC E TAC FURLAN"
Il furlan al cor sui canâi de gjenerazion Z
|
|
Il secont apontament par cure de ARLeF te suaze di Friuli Doc
si fasarà simpri domenie ai 10 di Setembar
tal spazi di PromoTurismo FVG in Zardin Grant, aes 16.00.
I protagoniscj a saran i zovins dai canâi furlans Youtube e Tik Tok
"Youpaltubo" e "Tic e Tac furlan",
che a àn za milions di visualizazions.
I fantats us contaran dut su la lôr aventure digjitâl par furlan
e no mancjaran lis curiositâts daûr dai lôr videos!
Par dute la durade de manifestazion,
tal Infopoint di PromoTurismo FVG (in place S. Jacum),
a vignaran dâts fûr ancje
materiâi informatîfs e gadgets in lenghe furlane.
Par savênt di plui
|
|
|
|
|
