|
PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
"AGENDA FRIULANA 2024"
12 mês di furlanetât
|
|
E je stade presentade la gnove "Agenda Friulana".
La edizion 2024 de storiche publicazion curade di Chiandetti Editore,
e je stade realizade in colaborazion cu la ARLeF.
La Agjenzie e à intervistât 11 personaçs furlans innomenâts
a nivel internazionâl par analizâ in profonditât
il lôr sens de identitât e il lôr rapuart cu la lenghe e la culture furlanis.
La strade segnade de ARLeF midiant di chescj personaçs
e je propit chê di un viaç te identitât e tal Friûl,
te lenghe e te culture dal teritori.
Dentri de agjende si cjatin rubrichis
a firme di autôrs impuartants, poesiis, tradizions,
art e dut ce che al covente par vivi dut un an di furlanetât!
Par scuvierzi cui che a son i personaçs intervistâts
|
|
"IL CALENDARI STORIC DAI CARABINÎRS
IN LENGHE FURLANE"
pal secont an di file, il calendari al fevele par furlan
|
|
E je stade presentade la edizion 2024 dal
Calendari storic dai Carabinîrs in lenghe Furlane.
Pal secont an di file, in graciis de colaborazion rinovade tra
la Legjon dai Carabinîrs “Friûl-Vignesie Julie”, la ARLeF
e la Regjon Autonome Friûl-Vignesie Julie,
un dai simbui plui iconics de Arme al fevele ancje par furlan.
Il “Calendari storic de Arme dai Carabinîrs 2024” al è dedicât al teme
“I Carabinîrs e lis Comunitâts” e tes 12 contis a firme di Gramellini,
insioradis des ilustrazions di Pininfarina,
a son descrits events eroics
e senis di vite cuotidiane dal lavôr dai Carabinîrs.
La edizion 2024 dal Calendari dai Carabinîrs in lenghe furlane
al marche duncje il leam fuart dal cuarp dai Carabinîrs
cul teritori e la lôr atenzion tai confronts de sô popolazion.
Dut chest al fâs in maniere che cheste publicazion
e sedi ancjemò plui preseade e e rint onôr al furlan,
tant che lenghe ricognossude in maniere uficiâl dal Stât talian.
Par savênt di plui
|
|
|
|
|
