Ancje tal 2019 la ARLeF e sarà presinte cul so bancut aes manifestazions plui impuartantis par promovi, soredut fra i zovins, la lenghe furlane, dant fûr materiâi divulgatîfs, struments pe lenghe e gadgets.
Par chest la Agjenzie e cîr volontaris di destinâ al acet dai visitadôrs, pe distribuzion di materiâi, par dâ informazions ancje plurilengâls al public e par dâ supuart logjistic.
A puedin presentâ domande di partecipazion dome i maiôrs di etât.
A varan la precedence i zovins jenfri i 18 e i 40 agns, cun esperience intai rapuarts cul public e cun cognossince di une o plui di chestis lenghis, di là dal talian: furlan, inglês, todesc, sloven.
Lis domandis a van presentadis dentri dal 1n di Avrîl dal 2019.