Cui che al sa il furlan, al sa di plui.
Chest il messaç de gnove campagne di promozion realizade de ARLeF
consegnât ae simpatie e ae fuarce comunicative di Catine
(Caterina Tomasulo) e trasmetût tant che spot par television,
par radio e su lis pagjinis de stampe su cjarte
e de comunicazion web e social.
Un messaç che al marche cemût che fevelâ par furlan ai propris fîs e nevôts, fin di piçui, ur regali tancj vantaçs cognitîfs, culturâi e sociâi.

Fâ cressi la cussience che fevelâ par furlan in cjase e je une risorse
al è apont il messaç dal spot video Cudumars.
Mari e pari a taule a fevelin par furlan tra di lôr,
ma cui fîs a passin simpri al talian,
ancje par cirî di convinci il piçul Fabio a mangjâ i cudumars che al à tal plat. Al è chi che e jentre in sene une Catine in miniature…

La vôs e la simpatie di Catine a marchin la impuartance
di fevelâ par furlan te relazion tra gjenitôrs e fîs
e tra nonos e nevôts ancje tal spot radiofonic.

Âstu cjalât il video Cudumars?
CUI CHE AL SA IL FURLAN, AL SA DI PLUI.