|
PRESEADIS E PRESEÂTS AL È CUN PLASÊ CHE
US SEGNALÌN LIS INIZIATIVIS
|
|
"UNA SPLENDIDA FAVELLA"
L'avventurosa storia della lingua friulana e
della sua letteratura a Vicino/lontano 2024
|
|
Di cheste "aventure" si contarà tal event par cure de ARLeF
organizât pe edizion 2024 dal festival Vicino/lontano.
L'apontament al è par sabide ai 11 di Mai, aes 17.30,
a Udin li de Tor di Sante Marie (vie Zanon, 2).
William Cisilino, diretôr de ARLeF,
e Flavio Santi, scritôr e docent universitari,
a àn acetade la sfide di contâ
plui di mil agns di storie in 60 minûts.
Cun ironie, a pituraran
un ritrat inedit de lenghe furlane,
par capî cemût che e je nassude e cui che a son
i scritôrs che za te Ete di Mieç le rivendicavin
tant che lenghe par fâ art.
Jentrade libare.
Par savênt di plui
|
|
"LIBRIS, FIGOTS E RIDADIS"
Leture animade e laboratori creatîf par fruts
in lenghe furlane
|
|
"Libris, figots e ridadis" al è il prin apontament de ARLeF,
organizât in colaborazion cul Comun di Martignà
e la Associazion "Chei di Martignà",
pe Setemane de Culture Furlane 2024.
L'event, in program pai 11 di Mai, aes 10.00,
te Biblioteche civiche di Martignà,
al previôt la leture animade de “Il libri gjat” e daûr
un laboratori creatîf par fruts dai 3 ai 7 agns.
I frutins a podaran imparâ la lenghe furlane zuiant,
ma ancje "figotant" il protagonist dal libri,
che al vignarà dât fûr tant che regâl a ducj i partecipants.
Dopo dal laboratori, e sarà une buine mirinde par ducj!
Par partecipâ si à di notâsi dentri di miercus ai 8 di Mai,
contatant il Sportel regjonâl pe lenghe furlane:
04321743400 o info@sportelfurlan.eu
Par savênt di plui
|
|
"1, 2, 3, 4, 5...NUMARUTS CUN MAMAN!"
Laboratori ludic didatic cun Daria Miani
|
|
Il secont apontament pe Setemane de Culture Furlane
proponût de ARLeF, in colaborazion cul Comun di Reane dal Roiâl,
al è "1, 2, 3, 4, 5...Numaruts cun Maman!".
Un laboratori ludic e didatic cun Daria Miani,
la condutore de trasmission televisive par fruts “Maman!”,
che si fasarà aes 17.00 di sabide ai 11 di Mai,
li de Biblioteche civiche di Reane.
I fruts a podaran cognossi i personaçs dal carton animât de ARLeF
“I Numaruts”: modonuts une vore simpatics che a judin
a imparâ la matematiche cun cjants, zûcs e divertiment.
A saran ancje proietâts i episodis dal carton!
Ducj i partecipants a varan un regalut tant che ricuart dal dopomisdì
di divertiment cu la lenghe furlane.
Par partecipâ si à di notâsi dentri di miercus ai 8 di Mai,
contatant il Sportel regjonâl pe lenghe furlane:
04321743400 o info@sportelfurlan.eu
Par savênt di plui
|
|
|
|
|
