fbpx

Vincj agns de leç n. 482/99

Chest an a son vincj agns che e je jentrade in vore la leç statâl n. 482 (normis pe tutele des minorancis linguistichis storichis) dai 15 di Dicembar dal 1999, che e à permetût aes lenghis minorizadis di jentrâ in mût uficiâl tra lis ativitâts des Aministrazions Publichis che a son tai teritoris di competence, garantint la tutele, e che e ricognòs ai citadins il dirit di vê rapuarts cui ents publics doprant la proprie marilenghe.

Lunis ai 25 di Novembar dal 2019, des 9.30 indenant, si fasarà a Bolzan, inte Conference Hall dal EURAC Research, la cunvigne “20 anni legge 482 – Esperienze e aspettative delle minoranze”, par cure de ARLeF – Agjenzie Regjonâl pe Lenghe Furlane, di EURAC Research e dal Comitât Federatîf des Lenghis Minoritariis (Confemili).

Une zornade dedicade aes minorancis linguistichis talianis, indulà che a intervignaran esponents des lenghis minorizadis, des istituzion, des Universitâts e dai Ents che a partecipin, che a laran a discuti lis esperiencis che a son stadis vie pai vincj agns de promulgazion de leç n. 482, cuntun voli su lis oportunitâts futuris e su la situazion des minorancis in Europe.

In zonte, al è disponibil il program complet de zornade.

Consulte i materiâi

Ogjet Cjale
20 anni legge 482_program


Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304