fbpx

“Predis, la nazione negata”, a SUNS EUROPE 2019 il film di Garlatti-Costa sostignût de ARLeF

La proiezion e sarà vinars ai 29 di Novembar al Cine Centrale – Udin, aes 20.30

Predis, la nazione negata, prequel dal film Missus, al è il secont film de trilogjie ideade di Massimo Garlatti-Costa e che e conte la storie dal Friûl e dai furlans che a àn lotât pai propris dirits di identitât.

Il film al vignarà proietât a Udin, al Cine Centrale, vinars ai 29 di Novembar aes 20.30, inte suaze dal calendari siôr di events di Suns Europe, il Festival des arts performativis in lenghe minorizade. Predis al è un progjet finanziât de ARLeF – Agjenzie Regjonâl pe Lenghe Furlane, cu la poie dal Fonts Regjonâl dal Audiovisîf FVJ, di Film Fund – Film Commission FVJ e di Glesie Furlane.

Il film al conte la storie di trê predis furlans, Pre Bepo Marchet, Pre Checo Placerean e Pre Toni Beline, che a àn dedicât la lôr vite al Friûl, cirint di sveâ la cussience dal popul furlan par che al recuperàs la sô storie, la sô lenghe e la sô identitât. Cu lis intervistis dai testemonis che a ricuardin i protagoniscj, cun imagjins sugjestivis e cu lis ricostruzions storichis des esperiencis dai trê predis di zovins, Garlatti-Costa al mostre la memorie storiche di chestis grandis figuris furlanis, discomudis e lassadis in bande de storie uficiâl, e che a àn lassât une grande ereditât.



Stanus Daûr

Components ARLeF

ARLeF

Agjenzie Regjonâl pe Lenghe Furlane

vie della Prefettura, 13

33100 Udin

tel. +39 0432 555812

codiç fiscâl: 94094780304