PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS

A tornin a partî in presince i Cors pratics di lenghe e culture furlane,
organizâts de Societât Filologjiche Furlane
in graciis dal finanziament de ARLeF.

A son pardabon tancj i Comuns dulà che si davuelzaran i cors,
che a son a gratis e vierts a ducj:
nol covente vê un titul di studi specific par podê cjapâ part ai cors
e nol è un limit di etât.

Vie pes 26 oris di lezion, si studiarà la gramatiche
e la grafie uficiâl de lenghe furlane,
cun aprofondiments storics, leterâi e culturâi.

L’ atestât finâl al costituìs ancje titul par podê notâsi
te Liste regjonâl dai insegnants di furlan.
 

Par notâsi e cognossi il calendari dai cors

In graciis di une colaborazion tra
la ARLeF e la associazion Amici della Musica di Udin,
domenie ai 25 di Setembar si podarà assisti a un event inedit,
dulà che lis musichis di un dai compositôrs plui innomenâts de storie,
tant che Wolgang Amadeus Mozart, si incrosaran
cu la sinfonie de lenghe furlane.

Dopo de conference iniziâl des 11.00 di buinore, che si fasarà
tal cjistiel di Colorêt di Montalban - e che e fevelarà
dal rapuart di Mozart cun Hyeronimus von Colloredo -
aes 17.00, tal teatri Palamostre di Udin, al sarà il conciert
de Euro Symphony SFK ORCHESTRA, direzude di Ernst Hoetzl,
cu lis leturis in lenghe furlane dal atôr Gianni Nistri.

 

Par savênt di plui