Cun chest vinars ai 7 di Otubar dal 2022, e torne a tacâ
la trasmission televisive par fruts in lenghe furlane "Maman!",
coprodusude di ARLeF e Telefriuli.

Lis pontadis de 7e stagjon a laran in onde
su Telefriuli (canâl 11 dal DT) ogni vinars aes 18.30.
Lis replichis a vignaran trasmetudis te domenie, aes 07.00 e aes 13.30.

E sarà une edizion siore di rubrichis gnovis
dulà che i piçui telespetatôrs, cu lis lôr fameis, a podaran
zuiâ e imparâ cu lis lenghis: chê furlane, ma no dome!

Po dopo, zûcs, aventuris, ridadis, tutorials, leturis e cartons animâts:
il format, simpri cu la conduzion di Daria Miani,
al permet ai fruts di imparâ divertintsi e di cressi cu la lenghe furlane
e aes fameis di contâ suntun program che al stice
la creativitât midiant di un metodi ludic e educatîf plurilengâl.
 

Cjale dutis lis pontadis di Maman!
sul canâl Youtube de ARLeF