Preseadis e Preseâts

Al è cun plasê che Us segnalìn lis iniziativis

"la Arlef in cjistiel"

in ocasion di un dai ultins concierts
di joan baez

Miercus ai 8 di Avost dal 2018, aes 21.15,
tal plaçâl dal Cjistiel di Udin,
Folkest, il Festival internazionâl di musiche folk,
al presente un dai ultins concierts de cjantante americane Joan Baez.

Inte ocasion de tierce tape dal so tour in Italie, e sarà presinte ancje
la Agjenzie Regjonâl pe Lenghe Furlane, che e darà acet
ai spetatôrs dal conciert cuntune postazion dedicade ae lenghe furlane, siore di materiâi informatîfs, promozionâi e di gadgets.

Par dutis lis informazions e par comprâ i biliets,
o podês acedi al sît di Folkest, fracant chi

"la lenghe furlane
a Leeuwarden"

la capitâl europeane de culture pal 2018
e dediche une setemane interie al furlan

Tra lis tantis ativitâts in vore vie pal an a Leeuwarden,
Capitâl europeane de culture pal 2018, ancje un spazi
curât di Afûk (la organizazion pe promozion de lenghe e de culture frisone), dedicât aes lenghis di dute Europe.

Dai 12 ai 19 di Avost, tal MeM, (il paveon des lenghis minoritariis e regjonâls, dulà che ogni setemane e je protagoniste une lenghe diferente) e sarà la volte dal furlan. Il program al previôt la esposizion de mostre "Furlan, Lenghe de Europe", promovude de ARLeF
e curade dal diretôr William Cisilino. La mostre, che e ilustre la identitât
e il contest storic e socioculturâl de lenghe furlane,
si podarà visitâ dai 14 ai 18 di Avost, des 12.00 aes 18.00.

Dilunc de setemane, ancje la musiche e sarà protagoniste,
graciis ae presince dal rapper furlan Dj Tubet, che ogni dì si esibirà
in concierts e performances, cun altris grups e artiscj
e al fasarà un laboratori fevelant di musiche, lenghe e culture furlanis.

Par savênt di plui
lei online