Presentât ai 29 di Mai intal palaç de Regjon a Udin il sît "Lenghis - Ladint (laboratori didatic interatîf)" nassût de colaborazion fra Claap – Centri di linguistiche aplicade Agnul Pitane e ARLeF – Agjenzie Regjonâl pe Lenghe Furlane.

Il progjet, ideât e coordenât di Adrian Cescje, al met a disposizion di scuelis, insegnants e students un strument inovatîf e interatîf,
che si compon di une Biblioteche digjitâl
e di un Laboratori di esercitazions linguistichis.

Al è pensât di pueste pe didatiche plurilengâl e in particolâr pal insegnament de lenghe furlane, cul obietîf di favorî un aprendiment des lenghis in forme contrastive e moderne, par mieç di cors didatics aprofondîts e une racuelte simpri plui complete di materiâi.

Cun chest progjet la Agjenzie, la Regjon e l'Usr a vuelin dâ un contribût in plui ae domande dai insegnants di podê doprâ struments didatics modernis, di difusion facile e modulabii su la fonde des competencis dai arlêfs e dai insegnants.


Discuvieç Lenghis