Sabide ai 2 di Novembar dal 2019, aes 20.45,
al vignarà metût in sene il spetacul in lenghe sarde “Macbettu” di Alessandro Serra (cun soretitui par talian).
Il Teatri Gnûf "Giovanni da Udine" al à risiervât ai contats
de ARLeF une promozion speciâl. 

I interessâts a comprâ il biliet cun tarife sbassade
pal spetacul “Macbettu”, a àn di indreçâsi ae bilietarie
dal Teatri, in vie Trento 4, dentri di joibe ai 31 di Otubar.
I oraris dai sportei a son: di martas a sabide, des 16.00 aes 19.00.

L'adatament de innomenade opare mestre di William Shakespeare "Macbeth" al è di Alessandro Serra, che al cure
ancje la regjie e la senografie.
Il spetacul al traspuarte il spetatôr intune Sardegne cence timp, barbare e violente, metint adun une atmosfere visionarie,
tragjiche e ancestrâl.
La fuarce espressive e viamente de opare teatrâl e dipent soredut de lenghe sarde, che e mostre cussì il podê liric e evocatîf
propri des lenghis minoritariis.

Prime de metude in sene serâl, li dal Spazi Fantoni dal Teatri Gnûf "Giovanni da Udine", aes 17.30, si tignarà l’incuintri cul public a jentrade libare “Terra, voce e lingua”,
cul intervent dal regjist Alessandro Serra.