Inte suaze dal festival Vicino/Lontano 2020
e in ocasion de Zornade Europeane des Lenghis,
la ARLeF – Agjenzie Regjonâl pe Lenghe Furlane e promôf l’incuintri
Il rûl des gnovis tecnologjiis intal disvilup des lenghis minoritariis,
che al cjape in esam lis funzions des tecnologjiis digjitâls tal tutelâ
e tal pandi lis lenghis minoritariis.
Sabide ai 26 di Setembar, aes 10.30, in Sale Ajace a Udin,
a vignaran mostrâts i progjets plui resints
che a compagnin la difusion dal furlan inte comunicazion in rêt,
ma soredut si fevelarà dal progrès de lenghe furlane
e des oportunitâts che la tecnologjie e ufrìs.
Si confrontaran sul teme trê esperts di comunicazion,
informatiche e lenghis minoritariis:
Alberto Masini, consulent e formadôr che si ocupe di inovazion digjitâl pe aministrazion publiche e di informatiche al servizi des lenghis minoritariis;
Luca Peresson, docent di informatiche che di passe vincj agns al coordene progjets informatics in jutori dal disvilup dal furlan, fra chescj il “Grant Dizionari Bilengâl Talian Furlan”, “Lenghis” e il “Corpus de lenghe furlane”;
Fulvio Romanin, aministradôr delegât di Ensoul, une agjenzie di web development, e guest teacher al Festival of Festivals, al Istitût European di Design / IED e inte Universitât dal Friûl.
L'incuintri al sarà moderât di William Cisilino, diretôr de ARLeF.
Par plui informazions e par notâsi,