PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS

La ARLeF - Agjenzie Regjonâl pe Lenghe Furlane,
e à realizât il gnûf carton animât par furlan "Free & Ulli e lis besteatis"
che al insegne ai fruts abitudins sanis, come chê di lavâsi ben lis mans.

Cu la naine furlane "Ursule Parussule"
e cul crot Free e cu la moscje Ulli, personaçs che i fruts
a àn imparât a cognossi cu la trasmission televisive "Maman!",
si pues imparâ in maniere divertente
une regule di igjiene une vore impuartante in dì di vuê.

Al è un imprest valit - nassût sul imprin tant che schede a fumets,
disponibile sul sît de ARLeF - par stâ dongje
ai gjenitôrs, ai nonos e ai insegnants tal percors fondamentâl
di educazion ae salût dai frutins.

Lis ilustrazions di "Free & Ulli e lis besteatis" a son di Patrizia Geremia (Futura Edizioni),
lis vôs dai protagoniscj a son dai doi atôrs furlans Claudio Moretti e Elvio Scruzzi
e la vôs che e conte e je chê di Daria Miani, condutore di "Maman!".

La Agjenzie Regjonâl pe Lenghe Furlane,
e à burît fûr i gnûfs bants pe promozion de lenghe furlane
tai setôrs de editorie, de ricercje sientifiche e dal spetacul,
par un totâl di 198 mil euros di fonts a disposizion.

Pe editorie, a son a disposizion finanziaments par promovi la lenghe furlane
fra i zovins sui gnûfs mieçs di comunicazion; par realizâ audiovisîfs
in lenghe furlane di cualitât pai fruts e par promovi la alfabetizazion
in lenghe furlane cul ûs di gnovis tecnologjiis.

Pe ricercje sientifiche, i finanziaments a son destinâts al ampliament
dal Corpus cu la realizazion di un gnûf dizionari monolengâl (par furlan);
ae ricercje sul lessic e la onomastiche cuntun dizionari dal furlan antîc;
ae promozion dal furlan tes scuelis secondariis di secont grât e ae promozion
de cognossince de prose leterarie di Carlo Sgorlon.

Pal spetacul, i finanziaments a disposizion a coventaran
pe realizazion di festivai/spetacui di cualitât pai zovins, in sinergjie
cun altris minorancis linguistichis europeanis e pe promozion di spetacui
e ativitâts par furlan indreçâts ai zovins e ai fruts, te suaze di events
presints di agns sul teritori furlan.

Lis domandis a àn di rivâ dentri des 12.00 dai 22 di Jugn dal 2020
dome vie PEC ae direzion arlef@certgov.fvg.it

Par lei i bants complets e lis modalitâts di presentazion des domandis