PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS

ARLeF - Agjenzie Regjonâl pe Lenghe Furlane, Protezion Civîl e
Direzion Centrâl Salût de Regjon F-VJ
si mobilitin par difondi informazions e racomandazions
in lenghe furlane par protezisi dal Coronavirus.

La prime iniziative e je il videotutorial, realizât in colaborazion
cul Grup Comunâl Volontaris di Protezion Civîl dal Comun di Udin,
che al spieghe cemût lavâ in maniere corete e sigure
– par tornâlis a doprâ plui voltis –
lis mascarutis di stofe che par tant timp a protezaran la nestre cuotidianitât,
par strade, intes buteghis e sul puest di vore.

Cjale il video par savê cemût sanificâ lis mascarutis protetivis.
 

La seconde iniziative de Direzion Centrâl Salût de Regjon F-VJ,
in colaborazion cu la ARLeF e la Protezion Civîl,
e je un sfuei informatîf, in lenghe furlane, cun lis racomandazions 
par evitâ la difusion de infezion Coronavirus.
Al è stât dât fûr tai ponts informatîfs,
tai presidis e tai ospedâi des aziendis sanitariis
dal teritori dulà che si fevele furlan.