O celebrìn la Zornade internazionâl de lenghe mari
e si zontìn al NPLD - Rêt europeane che e tutele e e promôf
lis lenghis minoritariis e regjonâls -
cuntun video che al trasmet il grant valôr sociâl de marilenghe.

 Il protagonist dal video de ARLeF al è Raffaele,
un zovin infermîr, che al conte a dute Europe 
trop che al è impuartant
fevelâ par furlan sul lavôr e cui pazients.

Chest al jude a vê un rapuart plui prossim
e a rindi plui familiâr l’ambient dal ospedâl,
dimostrant che ancje la lenghe e je un mieç par stâ miôr.

La Zornade Internazionâl de Lenghe Mari,
istituide de UNESCO tal 1999 pai 21 di Fevrâr,
e promôf la diversitât linguistiche, culturâl e il plurilinguisim.


Cjale il video di Raffaele e di altris operadôrs
di tantis minorancis linguistichis