Il Premi leterari in lenghe furlane "San Simon",
inmaneât dal Comun di Codroip,
al è rivât ae edizion numar 43.
Domenie ai 23 di Otubar dal 2022
e sarà une zornade impuartante pal Premi,
che al vignarà presentât in maniere uficiâl aes 16.00,
in place Garibaldi a Codroip, in colaborazion cu la ARLeF.
Subit dopo, te sale consiliâr dal municipi di Codroip,
al sarà un moment dedicât al ricuart dal poete furlan
Pierluigi Cappello, tai 5 agns de sô muart,
dulà che Mario Turello e Giacomo Vit lu memorearan
cun riflessions su la sô figure e leturis des sôs poesiis.
Viôt i apontaments dal
Premi San Simon 2022
|