Il Consei regjonâl al met adun une Taule taronde
pe promozion e pe valorizazion des minorancis linguistichis
dal Friûl-Vignesie Julie, daûr de L.R. 23/2021.

I lavôrs si davuelzaran vinars ai 21 di Otubar dal 2022, a tacâ des 09.30,
tal Auditorium Comelli dal Palaç de Regjon
a Udin (vie Sabbadini, 31).

 

Dopo des conferencis regjonâls dal 2021 des minorancis linguistichis
furlane, slovene e todescje,
la cunvigne e sarà un moment bon par condividi buinis pratichis,
rifleti e confrontâsi su lis prospetivis futuris di cressite des comunitâts,
cun riferiment ae programazion e ae politiche linguistichis.

 

Si podarà stâ daûr dai lavôrs ancje in modalitât streaming
sul sît istituzionâl dal Consei regjonâl.