Une iniziative dedicade ai arlêfs
des scuelis primariis e secondariis di prin grât
metude adun dal Comun di Udin, midiant dal so Sportel pe Lenghe Furlane,
e dal Museu Etnografic dal Friûl, in graciis dal finanziament
de Regjon e de ARLeF pes ativitâts culturâls
che a celebrin la Fieste de Patrie.
 
Si trate di une schirie di laboratoris
par cure dal rapper furlan Dj Tubet, dulà che i arlêfs
a podaran tornâ a scuvierzi i nons dai ogjets e des colezions
dal Museu in plui lenghis, tacant propit di chê furlane.
 
Al sarà un percors origjinâl par interpretâ i materiâi
esponûts tal museu di Udin, midiant de musiche rap
e des rimis improvisadis cul freestyle.
 
Cun di plui, suntune grande parêt dute di piturâ,
i fruts a cjataran ancje esercizis di scriture par furlan,
pinsîrs e peraulis gnovis.
 
Une ocasion par sperimentâ lis potenzialitâts
dai ambients museâi cu la lenghe furlane, che e devente
un mieç di cognossince ma ancje un stimul creatîf!
 
I laboratoris a son in program pes zornadis di
vinars ai 24 e ai 31 di Març e par vinars ai 21 e ai 28 di Avrîl dal 2023,
tal Museu Etnografic dal Friûl (Palaç Giacomelli, vie Graçan 1).
 
Par notâ lis classis interessadis, contatâ chescj riferiments:       
biglietterie.civicimusei@comune.udine.it
Tel. 0432 1272921 – 1272591