Suns Europe al è daûr a tornâ:
il festival des arts tes lenghis minoritariis de Europe,
lûc di confront e incuintri des miôrs produzions artistichis
in lenghe minoritarie su scjale europeane,
si davuelzarà ancje chest an a Udin,
di joibe ai 28 fin a sabide ai 30 di Novembar
tal Teatri Gnûf “Giovanni da Udine”.

I biliets a son za a disposizion te bilietarie dal Teatri Gnûf,
intes rivenditis autorizadis e in rêt su vivaticket.it

Il grant finâl, come di tradizion, al sarà
sabide ai 30 di Novembar des 21 indenant,
cul concierton finâl che al maravearà il public intune sere fate di musiche, di culturis e di artiscj, a dimostrazion de bielece dal plurilinguisim e de modernitât des lenghis minoritariis europeanis.

Ancje chest an, in graciis de ARLeF,
te buinore di sabide si davuelzarà Scuele Europe,
la lezion-conciert pai students de scuelis secondariis di secont grât
dal teritori furlan, une ocasion uniche par fevelâ de educazion plurilengâl e de citadinance multiculturâl.

Dongje de poie de ARLeF, de Regjon Autonome F-VJ e de Fondazione Friuli, il Festival al gjolt dal jutori e dal patrocini dal Consei de Europe, di NPLD - Network to Promote Linguistic Diversity, la Rêt pe Promozion de Diversitât Linguistiche in Europe, e di tancj sogjets publics e privâts, furlans e internazionâi.


Par ducj i detais, visite la pagjine Facebook dal festival: