|
PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
"ZORNADE EUROPEANE
DES LENGHIS"
UNE RICORENCE PAR VALORIZÂ
LA DIVERSITÂT LINGUISTICHE
|
|
Su iniziative dal Consei de Europe, ogni an - dal 2001 -
ai 26 di Setembar, si celebre la Zornade Europeane des Lenghis,
cul obietîf di informâ il public su la impuartance di imparâ plui lenghis,
cul fin di incressi il plurilinguisim e la comprension culturâl,
di promovi, tutelâ e favorî la diversitât linguistiche.
Te suaze des celebrazions, îr la ARLeF,
rapresentade dal diretôr William Cisilino, e jere presinte a Bruxelles,
dulà che l'Ufici di Colegament de Regjon F-VJ,
in colaborazion cul Network to Promote Linguistic Diversity
e la Provincie di Trent, al à organizât un event
dedicât aes lenghis minoritariis e regjonâls.
Par ducj i detais
|
|
"IL FURLAN AL JENTRE
TAL EUROPASS"
IN GRACIIS DI UNE COLABORAZION TRA ARLeF
E UNION EUROPEANE
|
|
Ancje la cognossince de lenghe furlane tant che arme moderne in plui
par cjatâ lavôr: e je une oportunitât che cumò si pues vê
compilant il curriculum vitae european
midiant Europass, il sisteme che al à uniformade la compilazion
dai curricula inte Union europeane.
Cumò, midiant de colaborazion che si è creade
tra ARLeF e Union Europeane, si podarà sielzi
ancje il furlan fra lis lenghis cognossudis.
La azion de ARLeF si zonte intal progjet plui ampli
dal Portfolio European des Lenghis (PEL),
disvilupât dal Program di politiche linguistiche de Union europeane
par sostignî il disvilup de autonomie dal student, dal plurilinguisim,
de cussience e des competencis interculturâls.
Par ducj i detais
|
|
"LA ARLeF A
GUSTI DI FRONTIERA"
AI 28 E 29 DI SETEMBAR, A GURIZE
|
|
Si rinove, ancje par cheste edizion, la presince de ARLeF
a “Gusti di Frontiera”, in graciis de colaborazion cul Comun di Gurize.
Sabide ai 28 e domenie ai 29 di Setembar, la Agjenzie e sarà presinte in place Sant Antoni, cuntun so stand là che a saran dâts fûr sore nuie tancj materiâi informatîfs e ludics didatics pai fruts.
Si podarà ancje cognossi i tancj struments informatics metûts a disposizion de ARLeF par scrivi, par comunicâ e par insegnâ in maniere corete cu la lenghe furlane.
Cun di plui, sabide ai 28 aes 17.00, dentri dal “Salotto del Gusto”,
al sarà presentât il libri “E alore, frico!” (Editoriale Programma),
cuntun viaç dedicât a un dai plats simbul de cusine furlane.
A intervegnin l’autôr Adriano Del Fabro;
Eros Cisilino, president de ARLeF;
Giuseppe Zof, produtôr di lat e formadi biologjic;
Matteo Lovo, enolic.
Par ducj i detais
|
|
|
|
|
