Preseadis e Preseâts

Al è cun plasê che Us segnalìn lis iniziativis

“improibît fevelâ: lenghis vietadis, emigrazion, plurilinguisim”

un impuartant dibatit organizât de ARLeF
a vicino/lontano 2018

Intune Europe che e met fra i siei valôrs di fonde il plurilinguisim
e il rispiet pe diversitât, a esistin ancjemò contescj dulà che
lis lenghis minoritariis a son discriminadis o improibidis:
al è il câs de lenghe macedone, fevelade in Grecie.

Partint di chest contest, vinars ai 11 di Mai dal 2018, aes 19.00,
li dal Oratori dal Crist di Udin, si fasarà un incuintri cul titul "Improibît fevelâ: lenghis vietadis, emigrazion e plurilinguisim"; une ocasion par scrusignâ lis variis situazions di disparitât e di conflit linguistic in Europe.

I protagoniscj dal incuintri a saran Eugenia Natsoulidou,
ativiste pai dirits culturâi e linguistics de minorance macedone de Grecie, Filippo Salvatore, professôr emerit de Concordia University di Montreal
e Carlo Puppo, puartevôs dal Comitât 482 e autôr di Internazionalitari;
l'event al sarà coordenât dal diretôr de ARLeF William Cisilino.


Fracant chi o podês savênt di plui

“INT/art sintî locâl -
agjî globâL"

a vicino/lontano 2018

Simpri te seconde zornade dal Festival, vinars ai 11 di Mai, aes 21.00,
li dal Teatri "San Giorgio" di Udin e vignarà proietade la seconde serie di "INT/ART Sintî locâl - Agjî globâl", cinc documentaris
di zovins artiscj furlans di arts visivis.

Daûr vie de proiezion, al è previodût un dibatit.
A saran presints il regjist Dorino Minigutti e l'autôr Giorgio Cantoni,
Aida Talliente, il president de ARLeF Lorenzo Fabbro
e i protagoniscj de seconde serie: Michele Bazzana, Edi Carrer,
Alice Durigatto, Luca Malisan, Carin Marzaro;
al coordene l'incuintri Paolo Cantarutti.

Fracant chi o podês savênt di plui

apontaments par fruts
in lenghe furlane

sabide ai 12 e domenie ai 13 di mai
a vicino/lontano 2018

A son doi i events in lenghe furlane, organizâts de ARLeF
e dedicâts ai plui piçui, te suaze dal Festival vicino/lontano.

Si scomence sabide ai 12 di Mai dal 2018, aes 16.30,
li de librarie "Pecora Nera" di vie Glemone
cu la presentazion e la leture di "Benrivâts tal marimont",
un librut tenar che al conte la storie de nassite,
cu la partecipazion di Lussia Di Uanis, Giulia Spanghero,
Francesca Benvenuto e Erika Adami pe ARLeF.

Il secont apontament al è chel di domenie ai 13 di Mai dal 2018,
aes 11.00, li de librarie "Moderna" di vie Cavour,
dulà che a saran presentâts i libruts de golaine Fameis,
cu lis storiis diferentis e plenis di amôr di
"Vanilie e soreli" e "Doi nonos scompagnâts", cu la partecipazion di
Francesca Gregoricchio, Alessandra Kersevan,
Silvana Schiavi Fachin e Lorenzo Fabbro pe ARLeF.

Ae fin des leturis animadis, tancj premis par ducj i fruts presints!


Fracant chi o podês savênt di plui