Di vuê, la lenghe furlane si le pues sielzi
tra lis lenghis de interface dal social network
plui innomenât e doprât tal mont.

Il progjet, nassût de colaborazion fra
la ARLeF, la Regjon Autonome Friûl-Vignesie Julie,
Insiel e il colòs Meta Platforms,
al met a disposizion di ducj un altri imprest
par favorî l’ûs de lenghe furlane te cuotidianitât.

Facebook al è un mieç une vore util a pro de difusion de lenghe,
e bon di tocjâ un public larc: par chest, la pussibilitât di doprâ
la sô interface par furlan e darà ancje un contribût
par insaldâ il sens di identitât e di comunitât dai furlans
sul teritori e intal mont.

Par savênt di plui

La Regjon F-VJ e la ARLeF a àn presentade
la version in lenghe furlane dal sît istituzionâl
de Aziende Sanitarie Universitarie dal Friûl di Mieç.

Al è un imprest impuartant par dialogâ cu la utence che e fevele furlan
(a son passe 500.000 i citadins che a fasin riferiment
ai Distrets sanitaris de ASU FC).

Cheste azion si zonte a altris ativitâts di comunicazion plurilengâl,
- tant che lis campagnis di vacinazion cuintri de influence -
che a judin a cjatâ un leam identitari intun servizi
che al à a ce fâ cu la salût.

Chest al è fondamentâl par jessi simpri plui dongje dai citadins
che a doprin il furlan tant che lenghe dal contat cuotidian.

Pe ocasion, al è stât presentât ancje il video realizât pe ADMO FVG
di bande dai fantats di Youpaltubo: un invît pai lôr coetanis
a notâsi tal Regjistri nazionâl talian dai donadôrs di medole dai vues
e un mût par trasmeti la impuartance di salvâ une vite.

Par savênt di plui