Te prime serade di Friuli Doc 2022, la ARLeF,
in colaborazion cul Comun di Udin, e cu la produzion dal Teatro della Sete,
e promôf la leture seniche "Di chesta tiara lontana" 
sui agns furlans di Pier Paolo Pasolini.

 Il spetacul multimediâl in lenghe furlane al va in sene
joibe ai 8 di Setembar dal 2022, aes 21.00,
te cort di Palaç Morpurgo a Udin, cun chê di marcâ la anime furlane
e passionade di Pasolini e esplorâ il rapuart che il scritôr
al veve cu la marilenghe.

Un confront pussibil in graciis dai scrits autobiografics
che a vignaran puartâts in sene des vôs di Caterina Di Fant e di Valentina Rivelli,
acompagnadis de musiche e dai dissens dal vîf di Giorgio Parisi e di Serena Giacchetta.

La jentrade e je libare.

Par savênt di plui

Frico-Man, la version speciâl par furlan di Pac-Man,
e sarà presentade pe prime volte
vinars ai 9 di Setembar aes 17 te Cort di Palaç Morpurgo.

Di vinars ai 9 fin domenie ai 11, simpri te Cort Morpurgo,
un cabinât origjinâl dai agns '80 al sarà a disposizion di grancj e piçui,
che a podaran zuiâ a Frico-Man e divertîsi a sfidâ i siei nemîs mortâi,
o ben Vigjut sedon, Bepi çondar, Catine peteç e Meni jeur.

La iniziative e je promovude de ARLeF e realizade di Ensoul,
par promovi il sît www.ghiti.it,
portâl bilengâl furlan-talian pe infanzie.

Us spietìn a zuiâ!

Par savênt di plui

Vinars ai 9 di Setembar, aes 16 te Cort di Palaç Morpurgo,
pai plui piçui al è viert il laboratori
Zuìn e imparìn cun Daria Miani de trasmission "Maman!",
presentât de condutore de trasmission televisive pe infanzie
in lenghe furlane.

I fruts a podaran vivi cun Daria esperiencis ludichis e educativis par furlan,
tant che chês de trasmission di Telefriuli.

Zûcs e tant divertiment garantîts!

Par savênt di plui