In ocasion dal inovâl dai 3 di Avrîl, Fieste de Patrie dal Friûl,
l'Ufici scolastic regjonâl dal F-VJ, in colaborazion cu la ARLeF,
al bandìs la novesime edizion dal concors
"Emozions furlanis in viaç pal teritori".
Il concors al è viert aes scuelis de infanzie,
primariis e secondariis di prin grât dal Friûl
e al à tant che obietîf chel di valorizâ il patrimoni
storic, artistic, culturâl e naturâl dal Friûl.
I docents a varan di trasmeti i progjets didatics in lenghe furlane
dentri dai 13 di Març dal 2020 al Ufici scolastic regjonâl,
midiant consegne direte, par pueste o vie mail (parfurlan@gmail.com).
Par ognidun dai trê vincidôrs (un par ogni sezion di scuele) al è in pali
un bon di 500 euros par comprâ materiâl didatic o tecnologjic.
Il bon al è metût a disposizion de ARLeF, dutune cun
libris e sussidis in lenghe furlane ufierts de Societât Filologjiche Furlane
e di altris associazions culturâls che a operin
pe valorizazion de lenghe furlane.
La cerimonie di premiazion si fasarà ai 5 di Avrîl dal 2020, a Udin,
inte suaze des celebrazions uficiâls de Fieste de Patrie dal Friûl.
|
|
