Une opare che e je une dediche di amôr al Friûl, dulà che e cor
la storie di Giorgio Mainerio, music, predi e, forsit, necromant.
Autôr de dramaturgjie e regjist de opare adun cun Paolo Antonio Simioni,
al è Marco Maria Tosolini che al presente Mainerio tant che
"une figure emblematiche de complessitât visionarie dal ‘500 furlan".
Mainerio al fo innomenât a nivel european pal so Primo libro de’ balli,
là che si cjate ancje la famose Schiaraçule Maraçule.
“Giorgio Mainerio, un misteri furlan”
al è un spetacul tra teatri, musiche, multimedialitât,
bal e art che al conte la vite e lis eresiis di un fra i personaçs
plui misteriôs de storie furlane.
Par permeti a ducj di assisti ae prime assolude
di domenie ai 13 di Setembar,
la direzion di Mittelfest e à decidût di organizâ
dôs rapresentazions dividudis:
la prime aes 18:30 e la seconde aes 21:30.
I biliets si prenotin dome in linie su
https://www.vivaticket.com/it/biglietto/giorgio-mainerio-un-misteri-furlan/151133
Par informazions:
tel. 0432 73396; e-mail info@mittelfest.org
www.mittelfest.org
Par savênt di plui