Copy


PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
 
LICÔF
si alce il sipari sul Teatri Stabil Furlan


Vinars ai 6 e sabide ai 7 di Dicembar,
dôs zornadis di incuintris al Teatri Sant Zorç a Udin.

Licôf – a segnalâ la idee di une fieste di bon auguri par rivâ a un obietîf, tant che il cuviert di une cjase, premesse di un lavôr gnûf che al à di jessi puartât insom – e je la prime iniziative de Associazion Teatri Stabil Furlan, che si è costituide in maniere uficiâl ae fin di Lui dal 2019 e che, dongje de ARLeF - Agjenzie Regjonâl pe Lenghe Furlane, e viôt insiemi il Comun di Udin, la Fondazion Teatri Gnûf “Giovanni da Udine”, la Academie “Nico Pepe”, il CSS, l’Istitût Ladin Furlan e la Societât Filologjiche Furlane.

Vinars ai 6 e sabide ai 7 di Dicembar, tal Teatri Sant Zorç a Udin, des 19.00 indenant, si fasaran dôs zornadis di incuintris, di metudis in sene e di iniziativis cun dramaturcs, atôrs e regjiscj, par valorizâ il teatri professionâl in lenghe furlane. 


Lei il program des seradis

Program
LUNARI 2020
 
Al è in distribuzion gratuite te sede de ARLeF il gnûf calendari di taule dedicât aes 12 minorancis linguistichis dal Stât talian.

Ai 25 di Novembar dal 1999, cu la aprovazion de Leç n. 482 “Normis in materie di tutele des minorancis linguistichis storichis”, la Republiche taliane e ricognosseve
dodis minorancis linguistichis.

Par celebrâ i 20 agns de leç 482/99, la ARLeF - Agjenzie Regjonâl pe Lenghe Furlane, e à ideât il Lunari 2020 inte forme di un viaç che, mês par mês, al travierse in maniere simboliche la penisule taliane cu lis minorancis, ricuardant il lôr valôr culturâl e lis lenghis, che a son i custodis principâi de identitât e dal sens di partignince di un popul.

Lis 12 lenghis a son, lis ricuardìn, l’albanês, il catalan, il cravuat, il francês, il francoprovençâl, il grêc, il ladin, l’ocitan e il sart; e lis trê minorancis presintis te nestre regjon: il sloven, il todesc e, clâr, il furlan.

Tal Lunari, ogni minorance e je rindude in maniere simboliche midiant di une detule segnalade ae ARLeF des stessis comunitâts tant che la plui rapresentative e identificative, che e je proponude in lenghe origjinâl adun cu lis traduzions par furlan e par talian.


Stampât intun numar di copiis limitât,
il Lunari al è in distribuzion gratuite te sede de ARLeF
fin a esauriment.

 
Par ducj i detais
Lei online
Stanus daûr su
Facebook
YouTube
Instagram
ARLeF
Agjenzie Regjonâl pe Lenghe Furlane
vie de Prefeture, 13 - Udin
tel. 0432 555812
email: arlef@regione.fvg.it
pec: arlef@certgov.fvg.it
http://www.arlef.it
Daûr dal Regolament UE 2016/679, par tirâ vie la tô email dal archivi frache achì. 
Par plui informazions lait a viodi la informative su la Tutele de privacy.