Preseadis e Preseâts

Al è cun plasê che Us segnalìn lis iniziativis

“no sta a CONTÂMI
DOME CHÊ STORIE"

DISPONIBIL IL MATERIÂL DIDATIC PES SCUELIS

la CJANÇON DI DJ TUBET E IL VIDEO DI MASSIMO RACOZZI
PAR CONTÂ LA STORIE DAL FRIÛL AI ZOVINS

La ARLeF e à domandât a Dj Tubet di creâ le cjançon promozionâl uficiâl de Fieste de Patrie dai 3 di Avrîl dal 2016. Al è cussì nassût il toc
"No sta a contâmi dome chê storie" che al conte la storie di un soldât
in trincee dilunc de I Vuere Mondiâl. Inte spiete dal gnûf ordin di atac,
al ripasse lis tapis plui impuartantis de storie dal Friûl fasint cussì
une piçule riflession su la vuere, la pâs e lis sôs lidrîs.
Il materiâl, di fat, al è un strument didatic util pe divulgazion e
la riflession storiche furlane fra i arlêfs des scuelis di ducj i ciclis.

Sul sît de ARLeF a son disponibii une vore di contignûts compagnâts
di une schede di istruzions di ûs: il test cui aprofondiments storics,
il spartît de part sunade cul flaut e diferentis basis
de cjançon stesse ancje a velocitâts diviersis.
La setemane che e ven si podarà viodi e discjamâ ancje il video de cjançon realizât di Massimo Racozzi, vincidôr dal concors di ideis
sostignût de ARLeF pe realizazion dal acompagnament visîf des peraulis di Dj Tubet, che al à doprât la tecniche dal dissen animât fat a man.

Fracant chi o podês discjamâ dut il materiâl

“fieste de patrie
dal friûl”

su WWW.ARLEF.IT  dut il program de edizion dal 2016

La cerimonie principâl dal 2016 de Fieste de Patrie si tignarà intal Comun di Gardiscje, in Provincie di Gurize, ma a son plui di 40 i events organizâts par memoreâ la ricorence in dut il teritori dal Friûl storic. Tra chescj, a son chei pensâts e fats des Provinciis di Udin e Gurize e di 25 Aministrazions comunâls di dut il Friûl che a àn vût la poie de ARLeF par uns 30.000 euros, in atuazion des normis previodudis de Leç n. 6/2015.

Fracant chi o podês lei e discjamâ il program complet

“sul sît de arlef une
gnove sezion MATERIÂI”

pe SCUELE E PAI INSEGNANTS, PUBLICAZIONS PE DIDATICHE,
MANUÂI E DÂTS UTII DI SOCIOLINGUISTICHE

Il sît de Agjenzie Regjonâl pe Lenghe Furlane al à screât di pôc une gnove sezion MATERIÂI che si cjate lant te pagjine principâl dentri di RISORSIS. 

In MATERIÂI i insegnants, lis scuelis ma ancje ducj i operadôrs linguistics a puedin cjatâ trê etichetis. SCUELE: cun ducj i materiâi didatics
publicâts tai agns dal Consorzi Universitari dal Friûl in cont de storie
e de gjeografie dal Friûl e altris imprescj di doprâ cui arlêfs. 
SOCIOLINGUISTICHE: cui dâts complets e la analisi dal scandai plui resint sul ûs de lenghe furlane, dividûts ancje par provincie.
ALTRI: manuâi di setôr (il Cuadri comun european des lenghis,
il Vademecum dai Sportei linguistics) e ricercjis sul furlan e
chês altris minorancis europeanis.

Fracant chi o podês cjate la pagjine