|
PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
ZUIÂ DI SCACS...PAR FURLAN
Un gnûf libri su lis regulis
dai scacs in lenghe furlane
|
|
Pe prime volte, si dopre la lenghe furlane
par insegnâ a zuiâ di scacs.
La scuele di scacs “Vera Menchik” de ASD Scacchistica Pordenonese
e à realizât une publicazion cu la consulence linguistiche de ARLeF
che si clame “SCACS. Dutis lis regulis dal zûc (e alc di plui)“.
Il libri al vignarà presentâ miercus ai 5 di Lui dal 2023,
tal centri culturâl J. Kugy di Tarvis, aes 21.00.
Si trate di un strument gnûf par spiegâ il movisi armoniôs e aventurôs
dai tocs su la scachiere doprant la lenghe furlane.
Il zûc dai scacs al è une vore antîc e a son zuiadôrs
par dut il mont e di ogni etât.
A puedin zuiâ ducj: fruts, fantats, adults e anzians,
cun vantaçs cognitîfs e comportamentâi no indiferents,
soredut te etât evolutive.
Se però no vês mai fate une partide par furlan…
no podês pierdisi cheste publicazion!
|
|
L'ISTÂT CUN MAMAN!
in onde lis replichis de VII stagjon
|
|
Ancje vie pal Istât, Maman! no us lasse bessôi:
o podarês tornâ a viodi dute la VII stagjon de trasmission televisive
par fruts in lenghe furlane cu lis replichis setemanâls.
Lis pontadis in repliche a laran in onde
ogni vinars aes 18.30 e ancje la domenie aes 07.00 e aes 13.00.
L’apontament, duncje, al è su Telefriuli (canâl 11 dal DDT):
ducj i protagoniscj di Maman! cu lis lôr aventuris,
i zûcs e la lenghe furlane us spietin par un Istât plen di divertiment.
Cjale dutis lis stagjons di Maman!
|
|
|
|
|
