PRESEADIS E PRESEÂTS
AL È CUN PLASÊ CHE US SEGNALÌN LIS INIZIATIVIS
|
|
"FIESTE DE PATRIE DAL FRIÛL 2024"
Lis celebrazions uficiâls a Tarcint, domenie ai 7 di Avrîl
|
|
I 947 agns de costituzion dal Stât patriarcjâl furlan,
fondât ai 3 di Avrîl dal 1077, a saran celebrâts a Tarcint.
Lis celebrazions uficiâls de Fieste de Patrie dal Friûl 2024
a son in program par domenie ai 7 di Avrîl, cuant che
il Comun di Tarcint al cjaparà il testemoni di Caprive.
Il program de zornade al è une vore siôr:
si tache aes 09.30 cu la esposizion de bandiere dal Friûl.
La buinore e va indenant cu la Messe par furlan
e po cu la cerimonie civîl.
Tal dopomisdì si podarà gustâ tai ristorants convenzionâts
e palaç Frangipane al sarà viert al public pes visitis vuidadis.
La ricorince e je ricognossude in maniere uficiâl
de Regjon Autonome Friûl-Vignesie Julie dal 2015.
E gjolt de poie de Regjon e de ARLeF e de colaborazion
dal Istitût Ladin Furlan “Pre Checo Placerean.
Lei dut il program
|
|
"LA BANDIERE FURLANE TAL SPAZI"
Il video che al celebre la Fieste de Patrie dal Friûl 2024
|
|
La storie di un furlan che al à puartade
la acuile dal Friûl fin tal Spazi.
O vin il plasê di celebrâ la ricorence dai 3 di Avrîl
cuntun video speciâl dedicât a une aventure uniche.
In chest video di Youpaltubo, Desiree nus conte di cuant che
un astronaute furlan, Greg Linteris, si è puartât daûr
la bandiere dal Friûl intune mission tal Spazi,
dimostrant dut il so amôr pe nestre Patrie
e une grande braùre pe sô identitât.
In ocasion de Fieste de Patrie dal Friûl 2024,
o augurìn a ducj i furlans di continuâ a fâ cressi e puartâ indenant
i valôrs culturâi, linguistics e identitaris dal nestri popul.
Cjale il video
|
|
|
|
|