Un apontament di no pierdi, chel di joibe il 1n di Lui:
al festival udinês di vicino/lontano,
tal Oratori dal Crist, aes 21.30, al va in sene pe prime volte
"Ombris tal infinît".

Il progjet, finanziât de ARLeF, al presente
une leture seniche in lenghe furlane su la poetiche di Carlo Sgorlon,
produsude dal Teatro della Sete
e cui contribûts di Franco Fabbro e Marco D’Agostini,
che a àn curât il libri “Carlo Sgorlon. Scrittore e intellettuale friulano”.

Vôs, musichis e dissens si fondaran sul palc
in maniere origjinâl par creâ atmosferis e vicendis
che a rifletin la concezion dal mont
dal innomenât scritôr furlan.

Par ducj i detais e par prenotâ il biliet

Il secont apontament de ARLeF al festival "dialoghi"
si indrece ai zovins e al è dedicât ae impuartance
de pluralitât linguistiche te nestre regjon.

Ai 2 di Lui, i students dal Istitût “Nostra Signora” di Gurize
a cjaparan part al event
“Gurize: une storie, tantis lenghis.
Pluralisim linguistic e culturâl di une impuartante crosere de Europe”,
 cul intervent di Michele Calligaris,
dal Sportel Regjonâl pe Lenghe Furlane de ARLeF.

Une ocasion di riflession pai zovins dal teritori,
dulà che l'obietîf al è pontât sul Gurizan tant che aree
di grant interès storic e linguistic.

Par dutis lis informazions