Preseadis e Preseâts

Al è cun plasê che Us segnalìn lis iniziativis

“Dulà che o jeri
a stâ prime”

Lunis ai 30 di Zenâr aes 17:00
Li de Librarie “La Tarantola” di Udin,
le Prime presentazion dal libri

Finanziade de ARLeF, “Dulà che o jeri a stâ prime” e je la edizion
par furlan di un biel libri par fruts, premiât al concors internazionâl
“Syria Poletti Sulle ali delle farfalle” dal 2013.

La autore Sandra Fabris e conte la storie di emigrazion e di slidrisament
di une piçule realtât rurâl dal paîs ae grande citât metropolitane americane. Il test al è inricjît des ilustrazions di Renata Gallio.

Publicât de cjase editore “L’Orto della Cultura”, 
il libri si pues cuistâ in dutis lis librariis dal Friûl.

Apontament
Lunis ai 30 di Zenâr aes 5 dopomisdì
li de Librarie “La Tarantola” in vie Vittorio Veneto a Udin.


Fracant chi o podês savê di plui

“UDINESE MAGAZINE
AL FEVELE FURLAN”

 SUL SÎT DE ARLEF
LIS PAGJINIS IN MARILENGHE DE NESTRE SCUADRE

  La riviste uficiâl de Udinese Calcio, dade fûr al Stadi Friûl
in 5000 copiis dilunc des partidis in cjase, si è inricjide,
za dal principi di campionât, cu lis pagjinis sportivis in lenghe furlane.
Dut chest in graciis dal protocol di intese firmât de Societât blancje e nere, dal Comun di Udin e de ARLeF par garantî la presince dal furlan dentri e difûr dal stadi, tes azions di comunicazion e di animazion prime des partidis e te fidelizazion dai tifôs.

Ducj i articui a son cumò disponibii a discjamabii ancje tal sît de ARLeF,
te sezion specifiche Stampe par Furlan.

Stait daûr ae vuestre scuadre dal cûr.
Fuarce Udin!

Fracant chi o podês lei di plui