Ai 3 di Avrîl, in ocasion dal inovâl de nestre Patrie dal Friûl,
colorìn il Friûl di zâl e di blu!

L’invît al è di picjâ la bandiere dal Friûl sui barcons e su lis teracis,
par fâ in maniere che ai 3 di Avrîl lis cjasis dal Friûl
a sedin vistidis di un trionf di acuilis sul fonts celest.

Mandait lis vuestris fotos cu la bandiere a info@sportelfurlan.eu,
scrivint non e lûc e a saran publicadis
sul Messaggero Veneto e sul sît de ARLeF.

Se o condividês lis fotos sui vuestris profîi social,
visaitsi di doprâ i hashtag #fiestedepatrie2020 e #fûrlabandiere,
tagant ducj i partners de iniziative.

La iniziative de ARLeF e dal Messaggero Veneto
e je in colaborazion cul Comun di Udin,
l'Istitût Ladin Furlan "Pre Checo Placerean", la Patrie dal Friûl
e il grup Facebook A chi, si scrîf e si rît NOME par furlan e par cjargnel!!!!

Par plui informazions

"Dut par furlan" al è un cors pratic di lenghe furlane,
util par imparâle cun facilitât e soredut par scrivile
daûr des regulis de gramatiche e de grafie uficiâl.

Al è indreçât sedi a cui che al fevele par furlan ma nol è bon di scrivilu,
sedi a chei che lu capissin ma no lu fevelin.

Ideât di Adriano Ceschia, il cors, gratuit, al è fat di 20 lezions,
ognidune spartide in trê sezions tematichis:
la sezion Ortografie e Gramatiche, la sezion Bocons di Narative
e la sezion Scaiis di Poesie furlane dal 1945 incà.

L’utent al pues discjamâ ogni lezion e ancje il so aprofondiment audio,
che al jude la comprension e la leture.

Tache daurman il cors!