Sabide ai 29 di Mai dal 2021, aes 20.00, li dal Teatri Gnûf “Giovanni da Udine” e va in sene La Cjase. Lagrimis di aiar e soreli,
gnove produzion teatrâl in lenghe furlane dal Teatri Stabil Furlan,
cu la consulence linguistiche de Agjenzie Regjonâl pe Lenghe Furlane.
 
La lenghe furlane e va duncje in sene cuntun progjet gnûf e inovatîf,
che al è l'adatament dal drame La casa 
dal poete e dramaturc cjargnel Siro Angeli.

Cheste prime produzion e viôt la regjie di Carlotta Del Bianco
e la direzion artistiche di Paolo Patui,
cu la partecipazion de compositore e cjantante Elsa Martin,
e, in vie telematiche, dal atôr sloven Vladimir Jurc. 
 
I biliets nominâi a son disponibii li de bilietarie
dal Teatri Gnûf “Giovanni da Udine” o on line sui sîts
www.teatroudine.it o www.teatristabilfurlan.it.

Par dutis lis informazions

Miercus ai 2 di Jugn, aes 19.00, li dal Teatri Palamostre di Udin,
si podarà assisti al progjet inedit dal titul
Mozart Mataran. La freschezza di un monello geniale
promovût de ARLeF e de associazion Amici della Musica di Udin.

 Pe prime volte la lenghe furlane e ven metude dongje cu la intensitât de musiche di un tra i compositôrs plui grancj de storie:
la sonoritât dal furlan si incrose duncje cu lis sôs sinfoniis plui innomenadis, che si alternaran cu la leture
des letaris voltadis par furlan di un Mozart zovenut.

Sul palc la Orchestra Mozart Italia
direzude dal Mestri Giancarlo De Lorenzi, e la vôs dal atôr Gianni Nastri.

I biliets a son disponibii al Teatri Palamotre
o la dì dal conciert a tacâ des 17.30.

 
Par dutis lis informazions

Il Comun di Cormons, in colaborazion cu la Associazion cormonese
“Amîs da Mont Quarine”, cu la ARLeF e cu la Societât Filologjiche Furlane,
al bandìs la setime edizion dal concors Premi Leterari Bienâl
"Dolfo Zorzut", in memorie dal scritôr furlan di Cormons.

Il concors al è articolât intes sezions Narative, Poesie e Students.

E quindi uscimmo a riveder le stelle: chest il teme dai tescj
che a podaran jessi scrits par talian, furlan, sloven, todesc, bisiac e graisan,
che a varan di jessi inedits e stampâts, e inviâts in formât digjitâl
dentri di misdì dai 18 di Otubar dal 2021.

I lavôrs a saran esaminâts di une jurie cualificade e la comunicazion ai vincidôrs e ai autôrs segnalâts, cu la date e la ore de cerimonie di premiazion, e sarà in forme scrite.

 
Par dutis lis informazions