RAI5, il canâl culturâl de emitente radiotelevisive nazionâl,
e trasmetarà sabide ai 27 di Jugn dal 2020, tor lis 19.35,
il spetacul “Maraveis in sfrese” – la produzion ARLeF
che e veve sierât la edizion 2019 dal Mittelfest.
Lis oparis dai plui grancj autôrs furlans dal secul XVI a vuê,
a àn componût lis pagjinis intensis dal spetacul, che al à metût in sene
musiche, cjant, videoart, recitazion e danze
intun ecuilibri savi di lengaçs e autôrs diferents.
Il so inseriment tal palinsest culturâl dal canâl RAI nazionâl,
al conferme il valôr artistic alt e la ricjece di sugjestions
che a caraterizin il spetacul,
consacrant il valôr de lenghe furlane su la sene nazionâl.
Par savênt di plui